أيمن وهبة
Afw
+++
شالوا البياض م العلم
+
شالوا البياض
م العلم
مش باقى غير السواد
جوا قلوب
إتحجرت
شالوا كلمة وطن والصوره مرسومه
فوق الضلوع وهى مكسوره
جوا قلوب
بتنزف تئن
وفوق سور متعلقه
وأحمر بحور
بلون الدم
ودمعة حزينة من غير صوت
جوة القلوب
بتئن
جواك يا وطن
وصرخه تضوى
فى الفضا
وسط القبور بترن
باعوك
خانوك
قتلوا فيك المحبه
قتلوا ولادك
قيدوك وشدوا شعورك وسط البشر
عروك
باعوك يا وطن
وما عدش لك غير انك
تبكى والدموع
من عنيك بتئن
+
شالوا البياض م العلم
شالوا الحنين والأمل م العينين
شالوا اسمك
والتاريخ
كمموا صوته
برا الحدود
و
رموه
+++
شالوا البياض من قلوب كل البشر
و
الحنين جواهم إنتحر
والشرور
كل يوم تنتصر
وعشان انا من ولادك
وشايفك تحت رجليهم
تبكى ...تقاسى ... تصرخ ...تئن
بإفتخر
إنى فى يوم
هايدفنونى جوا أحضان تاريخك يا وطن
+++
شالوا البياض
وماعدش غير السواد وأحمر بحور بلون الدم
ماعدش غير ظلم وعبيد
بتئن
كام م الغريب فينا إحتل
وسيفه فوق رقابنا
إستل
لكن لما تيجى من أخويه
ولاّ
ولاد العم
!!!
تبقى نار جوا بلاد ويا التراب بتئن
+++
شالوا البياض م العلم
شالوا الحنين والأمل م العينين
ما عادش غير الألم
وحلم جوا عيون
طفل ويا طفله صغيرين
بيكتوا اسمهم
فوق العلم
+
أيمن وهبة
أيمن وهبة
Afw
+
تلات ورقات
+++
يا دنيا جوانا حاجات
فينا
بتقطم و بتسطم
و
ريقنا
م الجرى فيكى صبح نشفان
ولسه بنكابر وبنثابر
والامل جواتنا
غصب عنا
وع البشر صابر
يا دنيا جوانا حاجات
فينا بتخبط
ومفيش بصيص أمل جوانا بيخبط
لما الركوبه تعبت
بقينا على رجلينا نمشى ونهبط
ولما القيم خدوها منّا ولاد ال.....كلب
لقينا العزيمه والقوه
جوانا بتهبط
+++
يا دنيا بتلعبى ويانا
تلات ورقات
وبتطلبى منّا نِعمى
عنينا
وكمان السكات
و
نقفل خشمنا ونخرس
والنخوه جوانا كأنها
طفل برىء
ومات
هات وهات
+++
كفايانا يا دنيا
وعلى وشنا كفيانا
ياريت قوتنا فيكِ مكفّيانا
طب نعمل ايه
؟
لو جينا نقعد
فى العصارى
ع القنايه
وسط الغطان
وسط قلوب دفيانه
وترجعى تضحكى ويانا
كنت أديلك الأمان
وكفايانا
+++
يا دنيا لو انت فى يوم تدينا
!!!
يبقى بلاش تعادينا
وما
نمد إيدنا لأعادينا
يا دنيا جوانا حاجات
تلات ورقات
وغصب عنّا بنمشى ف سكات
نازل للدنيا بيبكى
وشويه بيشكى
وكل شىء
مكتوب
بالقلم
فى تلات ورقات
يا دنيا جوانا حاجات
+
أيمن وهبة
Afw
أيمن
وهبة
Afw
+
الرحمه
عليك بتجوز
+++
يا وطن شايل همومك
وبتشد الرحال
وسط نار بتحرق
كفوفك
واقف
وراسك فى السما
الرحمه
عليك بتجوز
+++
يا وطن
طفيت شموعك
زمان ...نزلت دموعك
لما باعوك
بالسلاسل... وفى
الزنازن... كبلوكِ
جوا يم ... ورمــــــــــــوكِ
مسمار وحربه فى
قلبك وفوق صليبك
سمروكِ
ورجعت من تانى يا
وطن
تعدى الصعاب ...تعدى البحور
شبابك إتجدد...
والظلم إتبدد
ورايتك ... بتعلى
مهما رموك
الرحمه
عليك بتجوز
+
يا وطن
كترت همومك وبتشد
الرحال
وإحنا تعبانين
وسط الجبال متغربين
الميه نشفت يا وطن
من فوق شفايف
العيال
؟
أزاى نعيش من غيرك
يا وطن
؟
هواك وترابك
الغالى
ومية النيل
جوا قلبى جوا عروقى
و
عنينا مليانه آنين
!!!
على فين ها ترحل
؟
ولاّ ناوى تنوح
؟
ع الولاد ...ع
البنات الطيبين
ع
قلب أم
بتدعى ليك
لما تركع ...لما
ترفع الإيدين
و
أما تصلى يا وطن
إسمك يبقى مناره
سفينه جباره
بتشق ريح
شط ومرسى
للتعبانين
+
يا وطن
الرحمه عليك بتجوز
لما
ولادك يدبحوك... ويبيعوك... ويقسموك
ويفرقوا ضفتين
النيل
ويلعنوا حتى أبوك
ويسمروك
باعوا الحضاره
والمناره والأهرامات
وقالوا عليك
مات
!
كلام ... بين السكات
مش مصدق
!
يا وطن
همومى فوق كتافى
أشيل
والألم جوايا
بيهدّ حيل
ذى مركب غرقانه فى سيل
يا وطن
الحرب واقفه ع
الحدود
و
الشمس مش عايزه
تعود
وسلامك إنت من تانى
يسود
الاقى
طفل يزعق
وبينادى
الرحمه
عليك بتجوز
يا وطن شايل همومك
وبتشد الرحال
وسط نار تحرق
كفوفك
+
أيمن
وهبة
Afw
أيمن وهبة
Afw
+++
دنيا وسية
+++
والحُر فيكى عبيد
ليه مش فالحة غير فى اللطم والتصويت
ليه مش فالحة غير فى اللطم والتصويت
؟؟؟
!!!
(زقيتى )
(زقيتى )
سقيتى
ولادك الذل والعبوديه
من بطون أمهم مولودين
يبوسوالقدم وكمان الإيد
!!!
!!!
مين فيكى راح يعيش
لو مفيش
غيرك إنت وطن
للذل والعبوديه
وكمان تقسّيمنا
أسياد
ويا
عبيد
والهيمنه
على أنفاس ولادك
سيــِــــــــــــد وسيـــِـــــــــــــد
فى وش
الغش والتهبيش
وناس مش
لاقيه رغيف العيش
+++
دنيا وسيه ... عفيه... تدينا ع القفى... وتطحن عضمنا
فى وابور داير علينا
بيلف بينا
ويهضم اللى باقى فينا
على الكيف
وسيف
قاطع رقابنا
بيشهروه
ويخوفونا
بيموتونا
من سكات
عمر فات
يا وطن
!
شجاعة وطيش شباب
متربى ع الجُبن
واللى يرفع راسه
يبقى مات
+++
دنيا وسيه
مفيش غير كلمه فى بؤها
هات وهات
+++
لو بوس القدم راح يفيد والحب بين قلوب البشر
لو بوس القدم راح يفيد والحب بين قلوب البشر
نلقاه يزيد
واللى عايز
يعيش واللى يريد
بس القانون إتقلب
و
اللى ماله أصل بيغنى علينا
اللى ماله أصل بيغنى علينا
وكل يوم
بيعلى يزيد
بالسيف
ولعبة
الكلمات والزيف
صعبان علىّ
يا
وطن
!
من الكيف
الست بقيت مراه وكمان وليّه
لهِا مقام
رخيص عليك
لكن غالى علىّ
لِك كِيف
!
يشبع
بهايم
والقيمه فى العيون
رخيصه ولها
هيصه
ونحبس بيها
كيف
كيف و كيف
؟؟؟
وسيف رخيص...خسيس
نبيعه
ونشتريه
ونلاقيه
لما نريده فى أحضان مرميه
+++
يا دنيا
وسيه
عفيه
راجل ولاّ وليهّ
بتقتل وتعمل فيها ســــــــيد
؟؟؟
!!!
يا دنيا دلعك باخ
زرعتى شوك ومر
مروى
يا دنيا دلعك باخ
زرعتى شوك ومر
مروى
بدم الولاد
وسماد بلدى ويا السباخ
طرحت غصونك سنابل
قنابل
فتيلها مزروع ف كل دار
اولها عسل وشهد
واخرها ذل ومرار
فتيلها مزروع ف كل دار
اولها عسل وشهد
واخرها ذل ومرار
وبعد اللى شبع من شهوته ورُمته
وهمتُه
فجأه داخ
الذل فيكِ باخ
يا دنيا حُرمة عايزه تتلم
عاملالى ليدى وعامله لى ام
يا دنيا حالك يغم
يا دنيا حُرمة عايزه تتلم
عاملالى ليدى وعامله لى ام
يا دنيا حالك يغم
ممكن أهاجر
؟؟؟
ولاّ تقولى
علىّ فاجر
ما في شىء فى الدنيا راح يهم
عروقك
فيها مية مجارى
ولاّ
فيها دم
؟؟؟
سمّ والهموم
فينا عاده بحليب
ولاّ ساده
لحاف
ولاّ وساده
يومين
وتنتهى
+++
أيمن وهبة
Afw
أيمن وهبة
Afw
+
هذا
يكفى
+++
مُلهمتى
+
+
يكفى ظُلمك لى ...
يكفى ما أنا فيه
فقد أخذتِ قوتى
وقد
أصبحتُ كهلاً
متهالك
سوراً يتهاوى
أخذت قوته الإيام
هذا يكفى
فأنتِ
بحراً يجرفنى ... يغرقنى
... يهلك فىّ أملاً
بحراً عاتى
كالأضحوكه
يشعلُ نيرانى
حين يتهادى
يظلمُنى
حين يرحل فى مجرى
الدم بداخل شريانى
يعانقنى... يرسمنى...
ويعودُ يهوى بى
يجرفنى كرمالٍ
... أحجارٍ
ينساب بين الماء
+++
رفقاً بى
حين تدوسى
فوق رؤوس الأسهم
تقتلنى
وتعودُ تعانقنى
وتدورُ معركة
تدعونى ان أرحل
تستوطن فىّ ... أرضاً
وتقاسمنى
تقسم ظهرى نصفين
كخطوط الأرضِ
كخطوط العرضِ
تقسمنى أرضين
وتهلكنى
هذا يكفى
أصرخ وبأعلى الصوت
أناجى وأنادى
غلاف كتابى
؟
أين كلماتى
؟
أنفاسى حين تتوقف قلبى يخفق
باقة وردا
يهديها لرُفاتى
أضحوكه ... هشاً
ورمالاً تجرفها بعض الأمواج
باقة ورداً يهديها
ليضعها تحت ظلال الليل
تهدأ وتنام
ترقد بسلام
وتلك ممحاه
تمحو أيامى
...كتاباتى ...تمحونى
تهدرنى تسفك أنفاسِ دماءاً
تنزف
تفترس حروفى
أعلقها وأرسمها فى
عنقى
وبأطراف أصابعى
أنقشها
أحفرها فوق ضريحى
هذا يكفى
!
+++
أيمن
وهبة
Afw
أيمن وهبة
Afw
الكدب ما يصحش
+
خايف الصبح الآقى
أنا مش أنا
وكمان فى الشارع بنادى
أنا اللمبى و...أنا إنسان مش عادى
خايف أصحى الآقى
إن أخويه
ويا أختى ... عاشوا حياتهم
ونسيوا إنهم أخوات
وضمير الإنسانيه عدى
ومات
وأصبحنا مجرد مخلوقات
فى كل شىء
و
نسينا إن إحنا بنينا الحضاره
وكمان الأهرامات
أخويه ويا أختى
والعيال فى البيت تكاكى
من مفيش
خايف لبكره
ييجى ما نلاقيش
غير طابور العيش
والزحمه وأمراض فينا تنهش
و
حب
يموت
ولا يمكن يعيش
جوا
تراب أرضى والساقيه
بتزعق
تروى
جوع وعطش من سنين
خايف يا دنيا ما بقاش أنا مصرى
لا جاهل
ولاّ عصرى
ولا أمى كمان
ولا إبنى و أحفادى
بس ما يهمش
طنش
أهم القول
إنك ما تكدبش
وما تعبشِ
وما تشوفش كل حاجه على هواك
لو التاريخ ينساك
أنت عارف إن
أبوك بروحه فداك
تبقى
بلاش تكدب
بلاش تنافق
بلاش من
تانى تبنى حيطان جنه فى خيالك
ولاّ فى
بالك
والكدب
مايصحش
+++
أيمن وهبة
Afw
